ब्रह्मोस विश्वकै उत्कृष्ट र सटीक निर्देशित हतियार: रक्षामन्त्री

रक्षामन्त्री राजनाथ सिंहले ब्रह्मोस सुपरसोनिक क्रुज क्षेप्यास्त्र प्रणालीले निवारकको रूपमा काम गर्ने बताएका छन्।‌

यस सन्दर्भमा उनले आइतबार भने, " हामी आक्रमणकारी होइनौं, तर यदि कुनै राष्ट्र ले शत्रुता का साथ राष्ट्र को विरुद्ध कारबाही गर्छ भने हामी हाम्रा जनताको रक्षा गर्न तयार छौं।"

रक्षा मन्त्रीले उत्तर प्रदेशको लखनउमा रक्षा अनुसन्धान र विकास संगठन डीआरडीओ द्वारा स्थापित रक्षा प्रविधि र परीक्षण केन्द्र र ब्रह्मोस निर्माण केन्द्रको शिलान्यास गरेपछि बोल्दै थिए।

सिंहका अनुसार ब्रह्मोस प्रणालीले भारत र रुसबीचको प्राविधिक सहयोग मात्र होइन, लामो समयदेखि चलिरहेको सांस्कृतिक, राजनीतिक र कूटनीतिक सम्बन्धलाई पनि झल्काउँदछ।

उनले ब्रह्मोसलाई विश्वको सबैभन्दा राम्रो र द्रुत परिशुद्धता-निर्देशित हतियारको रूपमा व्याख्या गरे। यसले २१औं शताब्दीमा भारतको विश्वसनीय प्रतिरोधलाई बलियो बनाएको पनि उनले बताएका छन्।

ब्रह्मोसले सशस्त्र बललाई सशक्त बनाएको छ र अन्तर्राष्ट्रिय स्तरमा भारतीय सैन्य शक्ति को लद उच्च बनाएको छ। ब्रह्मोस-एनजीले जमिन, जल र हावामा आफ्नो शक्ति प्रमाणित गरेको छ। यसले आगामी वर्षहरूमा भारतीय सेनाको आधुनिक लडाई क्षमतालाई धेरै बलियो बनाउनेछ।

ब्रह्मोस एयरोस्पेस द्वारा घोषणा गरिएको ब्रह्मोस निर्माण केन्द्र, युपि डिआईसी एक आधुनिक, अत्याधुनिक सुविधा हो। २ सय एकड मा फैलिएको यस सुविधा ले नयाँ ब्राह्मोस-एनजी (नेक्स्ट जेनेरेशन) संस्करण उत्पादन गर्नेछ र ब्राह्मोस हतियार प्रणालीको वंशलाई अगाडि वढाउने छ।

यो नयाँ केन्द्र आगामी दुई देखि तीन वर्षमा तयार हुनेछ र प्रति वर्ष ८०-१०० ब्राह्मोस-एनजी क्षेप्यास्त्र को उत्पादन सुरु हुनेछ।

रक्षा प्रविधि र परीक्षण केन्द्र, उत्तर प्रदेश रक्षा औद्योगिक कोरिडोरमा रक्षा र हवाइ निर्माण केन्द्र को वृद्धिलाई गति दिन स्थापना गरिएको छ। यसले निम्न छवटा उपकेन्द्रहरू समावेश गर्नेछ:

1. डीप-टेक इनोभेसन र स्टार्टअप इन्क्युबेशन केन्द्र

2. डिजाइन र सिमुलेशन केन्द्र

3. परीक्षण र मूल्याङ्कन केन्द्र

4. उद्योग केन्द्र ४.०/डिजिटल निर्माण

५. सीप विकास केन्द्र

6. व्यवसाय विकास केन्द्र

सिंहले दुई इकाइहरूले राष्ट्रिय सुरक्षा, रक्षा उत्पादन र उत्तर प्रदेशको अर्थतन्त्रलाई बलियो बनाउन महत्त्वपूर्ण भूमिका खेल्ने विश्वास व्यक्त गरेका छन्।

उनले यी एकाइ स्थापनाले राजस्व उठाउने बताए । युवाहरूलाई रोजगारीको अवसर प्रदान गर्ने र प्रधानमन्त्री नरेन्द्र मोदीले परिकल्पना गरेको 'आत्मनिर्भर भारत' हासिल गर्न मद्दत गर्ने पनि उनले बताएका छन्।

भारतमा निर्माण, भारतको लागि निर्माण र विश्वको लागि निर्माण सन्देश विश्वव्यापी रूपमा पठाइएको सिंहले बताउनुभयो।