भारत र युरोपेली संघ स्वतन्त्र व्यापार सम्झौता वार्ता पुनः सुचारु गरिने

भारत र फ्रान्सले रक्षा र सुरक्षा, अन्तरिक्ष, साइबर सुरक्षा र डिजिटल अर्थतन्त्र जस्ता क्षेत्रमा ठूलो सहयोगको सम्भावना खोजिरहेका छन्।

मँगलबार विदेश सचिव हर्षवर्धन श्रृङ्ला र फ्रान्सको युरोप र विदेश मामिला मन्त्रालयका महासचिव फ्रान्कोइस डेलाट्रे बीच द्विपक्षीय छलफल भएको थियो।

परराष्ट्र सचिव र महासचिवले पारस्परिक हितका क्षेत्रीय र वैश्विक मुद्दाहरूमा पनि छलफल गरेका थिए। दुवै ले बहुध्रुवीय विश्वप्रति साझा प्रतिबद्धता र बहुपक्षीयताप्रति आ-आफ्ना प्रतिबद्धता पुनः व्यक्त गरेका थिए।

पछि परराष्ट्र मन्त्रालयले दिएको जानकारी अनुसार भेटमा दुई पक्षबीच नीलो अर्थतन्त्र, शिक्षा र जन–जन सम्पर्क, ऊर्जा, स्वास्थ्य र जलवायु परिवर्तनमा सहकार्यका विषयमा पनि छलफल भएको थियो ।

वार्तामा भारत र फ्रान्सका राजदूत सहभागी थिए।

डिसेम्बर महिनाको १७ तारिख मा रक्षा मन्त्री राजनाथ सिंह र फ्रान्सको सशस्त्र बल मन्त्री फ्लोरेन्स पार्ली बीच फलदायी छलफल भएको थियो।

व्यापार, लगानीमा ध्यान

यस सन्दर्भमा विदेश मन्त्रालयले भन्यो, "द्विपक्षीय व्यापार र आर्थिक सम्बन्धको पूर्ण सम्भावनाको उपयोग गर्न, दुवै पक्षले भारत युरोपेली संघ स्वतन्त्र व्यापार सम्झौतामा वार्ता पुन: सुचारु गरिने पनि तय भएको छ।"

आधिकारिक तथ्याङ्कका अनुसार, फ्रान्ससँग भारतको व्यापार लगातार बढेर सन् २०२० मा १०.७५ अरब अमेरिकी डलर पुगेको छ। महामारीको बावजुद, सन् २०२१ मा दुई देशबीचको द्विपक्षीय व्यापार ८.८५ अरब अमेरिकी डलर पुगेको अनुमान गरिएको छ।

फ्रान्स भारतका लागि एफडीआईको प्रमुख स्रोतको रूपमा उभिएको छ। भारतमा पहिले नै १ हजार भन्दा बढी फ्रान्सेली प्रतिष्ठानहरू छन्।

फ्रान्से भारतको ११ औं प्रमुख लगानीकर्ता हो। सन् २००० अप्रिल देखि सन् २०२१ को जून महिना सम्म मा फ्रान्स ले भारतमा ९.८६ अरब अमेरिकी डलर बराबरको लगानी गरेको छ।

विविध फ्रान्सेली कम्पनी का सहायक कम्पनीहरू भारतमा छन् जस्तो बिएनपि पारिबास, क्यापजेमिनी, एयरबस, डसल्ट, अर्केमा, लोरियल, सनोफी, टोटल, आदि।

फ्रान्समा स्थापित भारतीय व्यवसायका करिब २ सय सहायक कम्पनीहरू छन्, जसले ६ हजार भन्दा बढी मानिसहरूलाई रोजगारी प्रदान गरेको छ।

फ्रान्समा भारतीय लगानीहरू मध्ये अधिकांश आईटी सेवा, औषधि/जैविक प्रविधि र आतिथ्य क्षेत्रहरूमा बढी छन्।

मंगलबारको भेटमा दुवै पक्ष बीच आगामी फ्रान्सेली अध्यक्षता, हिन्द प्रशान्त, यूएनएससी, अफगानिस्तानको अवस्था तथा युरोपेली युनियनमा सहकार्य गर्ने लगायत आपसी हितका विभिन्न क्षेत्रीय तथा विश्वव्यापी मुद्दाहरूमा पनि छलफल भएको थियो ।

आफ्नो भारत भ्रमणको डेलाट्रे मुम्बईको भ्रमण पनि गर्दैछन्, जहाँ उनले अन्य भारतीय अधिकारीहरूसँग भेट गर्नेछन्।