एक जिम्मेवार सामुद्रिक सरोकारवालाको रूपमा भारत शान्तिपूर्ण, खुला, नियममा आधारित सामुद्रिक व्यवस्थाको समर्थन गर्दछ।

घुमाउरो ढंगले चीनको आलोचना गर्दै रक्षा मन्त्री राजनाथ सिंहले आइतबार संकीर्ण पक्षपातपूर्ण स्वार्थ र आधिपत्यवादी प्रवृत्ति भएका केही गैरजिम्मेवार राष्ट्रहरूले अन्तर्राष्ट्रिय कानूनको अनुपयुक्त व्याख्या गर्दै आएको बताएका छन्।

सिंहले आइतबार मुम्बई को नौसेना जहाज निर्माण स्थल मा भारतीय नौसेनामा विनाशक विशाखापट्टनमको नियुक्ति पछि भने, "अनक्लोस का केहि राष्ट्रहरु द्वारा अन्तराष्ट्रिय कानुनको मनमानी व्याख्या का कारण कानुन कमजोर बनिरहेको छ जुन चिन्ता को विषय हो।"

उनले अगाडि भने, " सन् १९८२ को संयुक्त राष्ट्र सामुद्रिक कानुन महासन्धि (अनक्लोस) मा राष्ट्रहरूको क्षेत्रीय जलक्षेत्र, विशेष आर्थिक क्षेत्र र 'समुद्रमा राम्रो व्यवस्था' को सिद्धान्त प्रतिपादन गरिएको छ। केही गैरजिम्मेवार राष्ट्रहरूले आफ्नो साँघुरो पक्षपातपूर्ण स्वार्थका लागि यी अन्तर्राष्ट्रिय कानुनहरूलाई आधिपत्यवादी प्रवृत्तिबाट नयाँ र अनुपयुक्त व्याख्या गरेका छन्।"

“मनमानी व्याख्याले नियममा आधारित सामुद्रिक व्यवस्थाको मार्गमा अवरोध खडा गर्छ। हामीले नियममा आधारित हिन्द प्रशान्त, यात्रा स्वतन्त्रता, स्वतन्त्र व्यापार र विश्वव्यापी मूल्यहरूको परिकल्पना गर्छौं, जसमा सबै सहभागी देशहरूको हित सुरक्षित हुन्छ।"

सिंहले हिन्द प्रशान्त क्षेत्रलाई खुला र सुरक्षित राख्नु पर्ने आवश्यकतामा जोड दिँदै यो नै भारतीय नौसेनाको प्राथमिक उद्देश्य भएको बताएका छन्।

उनले भारतको चासो हिन्द महासागरसँग प्रत्यक्ष जोडिएको र यो क्षेत्र विश्व अर्थतन्त्रका लागि महत्वपूर्ण रहेको दाबी गरेका छन्।

“डकैती, आतंकवाद, हतियार र लागूऔषधको अवैध तस्करी, मानव बेचबिखन, अवैध माछा मार्ने र वातावरणमा हुने क्षति जस्ता चुनौतीहरूले सामुद्रिक क्षेत्रलाई निकै असर गरिरहेका छन्। त्यसकारण, सम्पूर्ण हिन्द प्रशान्त क्षेत्रमा भारतीय नौसेनाको भूमिका धेरै महत्त्वपूर्ण हुन्छ।"

उहाँले विश्वको स्थायित्व, आर्थिक उन्नति र विकास सुनिश्चित गर्न वर्तमान भूमण्डलीकरणको युगमा नियममा आधारित यात्रा ्स्वतन्त्रता र समुद्री मार्गको सुरक्षाको महत्त्वमा जोड दिनुभयो।

एक जिम्मेवार समुद्री सरोकारवालाको रूपमा भारत सहमतिमा आधारित सिद्धान्तहरू र शान्तिपूर्ण, खुला, नियममा आधारित र स्थिर समुद्री व्यवस्थाको समर्थन गर्ने सिंहले बताउनुभयो।

मन्त्रीले छिमेकीहरूसँग मित्रता, खुलापन, संवाद र सहअस्तित्वको भावनाका साथ प्रधानमन्त्रीको सागर (क्षेत्रमा सबैका लागि सुरक्षा र विकास) दृष्टिकोणलाई अगाडि बढाउन भारतीय नौसेना ले निर्वाह गरेको भूमिका को प्रशंसा गर्नुभयो।

उनले आईएनएस विशाखापट्टनमलाई देशको बढ्दो सामुद्रिक पराक्रमको प्रतीक र प्रधानमन्त्री नरेन्द्र मोदीको ‘भारतमा निर्माण, विश्वको लागि निर्माण’ को लक्ष्य हासिल गर्न एउटा प्रमुख उपलब्धि भएको बताएका छन्।

मन्त्रीका अनुसार जहाज प्राचीन र मध्यकालीन भारतको सामुद्रिक शक्ति, जहाज निर्माण कौशल र गौरवशाली इतिहासको प्रतीक हो।

उनले अत्याधुनिक प्रणाली र हतियारले सुसज्जित जहाजले सामुद्रिक सुरक्षालाई मजबुत बनाउने र राष्ट्रको हितको रक्षा गर्ने विश्वास व्यक्त गर्नुभयो।

सिंहले जहाजलाई विश्वको सबैभन्दा प्राविधिक रूपमा उन्नत निर्देशित क्षेप्यास्त्र विनाशकको रूपमा परिभाषित गर्नुभयो जसले सशस्त्र बल र समग्र रूपमा राष्ट्रको वर्तमान र भविष्यका आवश्यकताहरू पूरा गर्नेछ।

रक्षामन्त्रीले भारतीय नौसेनाका ४१ मध्ये ३९ वटा जहाज र पनडुब्बीको निर्माण आदेशलाई ‘आत्मनिर्भर भारत’ बनाउने आफ्नो प्रतिबद्धताको प्रमाण भएको भन्दै भारतीय नौसेनाको आत्मनिर्भरता प्रयासको प्रशंसा गर्नुभयो।

उनले स्वदेशी विमानवाहक ‘आईएनएस विक्रान्त’ को विकासलाई ‘आत्मनिर्भरता’ हासिल गर्ने एउटा महत्वपूर्ण कोसेढुङ्गाको रूपमा वर्णन गर्नुभयो।

वाहकले हिन्द महासागरबाट प्रशान्त र एट्लान्टिक महासागरसम्म हाम्रो पहुँच बढाउनेछ। यसको सञ्चालन को समय भारतीय रक्षा इतिहासमा एक सुनौलो क्षण हुनेछ। यो भारतको स्वतन्त्रताको ७५औं वार्षिकोत्सव र १९७१ युद्धमा भारतको विजयको ५० औं वार्षिकोत्सव मनाउने सबैभन्दा राम्रो अवसर हुनेछ, "मन्त्रीले भन्नुभयो।

यसका साथै भारतीय नौसेना उद्योगहरू मा‌ पहुँच सुनिश्चित गर्न विभिन्न कार्यक्रमहरूमा लिइरहेका छन्। साथै 'उत्रनु', 'चल्नु', र 'लड्नु' श्रेणी अन्तर्गत स्वदेशी वस्तुहरूको निर्माण वृद्धि गर्न पनि भारतीय नौसेना निरन्तर लागिपरेको छ। जसका लागि सिंह ले भारतीय नौसेना को प्रशंसा गरेका छन्।‌‌‌‌

यस प्रकारको गति कायम राख्नुपर्ने आवश्यकतामा जोड दिँदै सिंहले "सरकारले चालेका कदमहरूले आत्मनिर्भरताको प्रयासलाई बढावा दिने र हामी छिट्टै भारतको लागि मात्र होइन, सम्पूर्ण विश्वका लागि जहाजहरू निर्माण गर्ने' विश्वास व्यक्त गरेका छन्।

उनले यो परिकल्पना पूरा गर्न सरकारको निरन्तर सहयोग रहने आश्वासन दिएका छन्।